---Advertisement---
जळगाव : स्थानिक स्वराज्य संस्थांच्या निवडणुकीची रणधुमाळी सुरू झाली असून, प्रत्येक राजकीय पक्षांकडून जोरदार तयारी सुरु आहे. अशातच शिवसेना उद्धव ठाकरे गटाचे नेते उन्मेष पाटील यांच्यासह चार जणांवर एका बँकेची तब्बल ५ कोटी ३३ लाख ८५ हजार ३५६ रुपयांची फसवणूक केल्याचा आरोप करण्यात आला आहे. त्यानुसार चाळीसगाव ग्रामीण पोलीस ठाण्यात गुन्हा नोंदविण्यात आला असून, ऐन निवडणुकीच्या तोंडावर हा प्रकार समोर आल्याने राजकीय वर्तुळात चर्चांना उधाण आले आहे.
मिळालेल्या माहितीनुसार, शिवसेना उद्धव ठाकरे गटाचे नेते उन्मेष पाटील यांच्यासह चार जणांवर देवगिरी नागरी सहकारी बँकेच्या चाळीसगाव शाखेची तब्बल ५ कोटी ३३ लाख ८५ हजार ३५६ रुपयांची फसवणूक केल्याचा आरोप शाखेच्या व्यवस्थापकांनी केला आहे.
व्यवस्थापकांनी केलेल्या आरोपानुसार, ‘उमंग व्हाईट गोल्ड प्रायव्हेट लिमिटेड’ या कंपनीच्या नावाने घेतलेले औद्योगिक कर्ज न भरल्याने ते एनपीए झाले होते. बँकेकडून संधी देऊनही परतफेड न केल्याने बँकेने कार्यवाही सुरू केली. मात्र, या दरम्यान बँकेकडे गहाण ठेवलेली मशिनरी कंपनीच्या संचालकांनी संगनमताने विकल्याचा आरोप शाखेच्या व्यवस्थापकांनी केला आहे.
याबाबत देवगिरी नागरी सहकारी बँकेच्या चाळीसगाव शाखेचे व्यवस्थापक जीवन राजूरकर यांनी फिर्याद दिली. त्यानुसार शिवसेना उद्धव ठाकरे गटाचे नेते उन्मेष पाटील, संजय धनकवडे, प्रशांत वाघ आणि प्रमोद जाधव यांच्याविरोधात फसवणुकीसह विविध कलमान्वये चाळीसगाव ग्रामीण पोलिसात गुन्हा नोंदवण्यात आला आहे.
राजकीय वर्तुळात चर्चांना उधाण
स्थानिक स्वराज्य संस्थांच्या निवडणुकीची रणधुमाळी सुरू झाली असून, प्रत्येक राजकीय पक्षांकडून जोरदार तयारी सुरु आहे. अशातच शिवसेना उद्धव ठाकरे गटाचे नेते उन्मेष पाटील यांच्यासह चार जणांवर एका बँकेची तब्बल ५ कोटी ३३ लाख ८५ हजार ३५६ रुपयांची फसवणूक केल्याचा आरोप करण्यात आला आहे. त्यामुळे ऐन निवडणुकीच्या तोंडावर हा प्रकार समोर आल्याने राजकीय वर्तुळात चर्चांना उधाण आले आहे.
