---Advertisement---
जळगाव : जळगावच्या योगेश्वर नगरातील एका भाड्याच्या घरात सुरू असलेल्या कुंटणखान्यावर शनिपेठ पोलिसांनी कारवाई केली. यात दोन महिलांची सुटका, तर कुंटणखाना चालविणाऱ्याला ताब्यात घेण्यात आले असून, याप्रकरणी गुन्हा दाखल करण्यात आला आहे.
योगेश्वर नगरातील एका भाड्याच्या घरात कुंटणखाना सुरु असल्याची माहिती पोलिसांनी मिळाली. त्यानुसार उपविभागीय पोलिस अधिकारी नितीन गणापुरे यांच्या पथकासह शनिपेठ पोलिस ठाण्यातील कर्मचाऱ्यांनी सापळा रचला.
मिळालेल्या माहितीची खातरजमा करण्यासाठी पोलिसांनी एका डमी ग्राहकाला पाठविले होते. १५०० रुपयांमध्ये सौदा ठरला व पंटरने आत जाऊन पोलिस पथकाला मोबाईलवर ‘मिस कॉल’ देऊन इशारा केला. त्यावेळी पोलिसांनी घराला घेराव घालत छापा टाकला.
पोलिसांनी घटनास्थळावरून कुंटणखाना चालवणाऱ्या मुख्य मालकासह दोन पीडित महिलांना ताब्यात घेतले आहे. भरवस्तीत सुरू असलेल्या या प्रकारामुळे परिसरातील नागरिक त्रस्त होते.
याप्रकरणी गुन्हा दाखल करण्यात आला आहे. उपविभागीय पोलिस अधिकारी नितीन गणापुरे यांच्या मार्गदर्शनाखाली पोहेकों रविंद्र मोतीराया, आवेश शेख, अमोल ठाकूर, प्रणय पवार, महिला पोलीस कर्मचारी स्मिता पाटील यांच्या पथकाने कारवाई केली.
