Bus Accident धरणगाव : तालुक्यातील दोनगाव येथे काल एस. टी. महामंडळाच्या बसला अपघात होऊन २८ प्रवासी जखमी झाल्याची घटना घडली होती. आज सलग दुसऱ्या दिवशी पुन्हा सकाळी धरणगाव चोपडा रोडवर पिंपळे फाट्याजवळ बसचा भीषण अपघात होऊन एक ठार तर २१ प्रवासी जखमी झाल्याची दुर्घटना घडली आहे. जखमी प्रवाशांना धरणगाव ग्रामीण रुग्णालयात उपचारासाठी दाखल करण्यात आले आहे.
तालुक्यातील धरणगाव-चोपडा मार्गावर आज (14 डिसेंबर) सकाळी पुन्हा एक भीषण अपघात झाला. पिंपळे फाट्याजवळ बस आणि ट्रॅक्टर एकमेकांना धडकले, ज्यात एका व्यक्तीचा मृत्यू झाला आणि 21 प्रवासी गंभीरपणे जखमी झाले. या अपघातात बस चालकाची केबिन पूर्णपणे चक्काचूर झाली. जखमी प्रवाशांमध्ये विविध वयाच्या व्यक्तींचा समावेश आहे, आणि यातील बसचालकाची स्थिती चिंताजनक असल्याची माहिती आहे.
जखमींमध्ये यांचा आहे समावेश
प्रमिला ईश्वर सोनवणे (वय-५०, जळगाव), सागर विठ्ठल पाटील (वय -२८, रोटवद), गंगाराम आनंदा बाविस्कर (वय -६८, पिंप्राळा), भगवान सुपडू पाटील (वय-७५, रा. पिंपळे सिम), जयश्री गणेश मराठे (वय-४५), शरद बिलाडिया पारधी (वय-४०, नंदुरबार), विमल रमेश मराठे (वय-६५, नळयात), रमेश सोनू मराठी (वय-७५), कमलबाई काशिनाथ मराठे (वय-७५), सुषमा कपिल सिंग बयास (वय -३६, धरणगाव), मेघना कपिलसिंग बयास (वय -७, धरणगाव), जाकीर शब्बीर खाटीक (वय -३५, रा. पिंप्री), वरुड प्रवीण भगवान कुंभार (वय-२४, गोरगाव), अनिश हनीफ शेख (वय-३८, चोपडा), ज्योती योगेश पाटील (वय-३८, साळवा), शब्बीर रहे मुल्ला खाटीक (वय-६५, पिंप्री), योगेश दिगंबर पाटील (वय-३६, धरणगाव), सुनील रामसिंग अलकारी (वय -५८, जळगाव), अनिता सुनील अलकारी (वय-५२, जळगाव), नंदा वसंत बाविस्कर (वय-३३, साळवा) आणि व्ही.व्ही. इंगोले (वय-४०, जळगाव) असे प्रवासी जखमी झालेले आहेत.
पोलिसांनी घटनास्थळी पोहोचून रस्त्यावरील वाहतूक सुरळीत केली. या अपघाताबाबत पोलिसांनी अद्याप नोंद घेतलेली नाही.
