जळगाव : शहरात ड्रोन उडवण्यास बंदी घालण्यात आली आहे. शहर पोलिसांनी यासंदर्भातील आदेश जारी केले आहे, तसेच नियमांचे उल्लंघन करणाऱ्यांवर कडक कारवाईचा इशारा देखील देण्यात आला आहे.ड्रोनवरील ही बंदी शनिवार 16 मे 2025 पासून लागू करण्यात आली असून ती 3 जून 2025 पर्यंत लागू असणार आहे. या काळात नागरिकांना ड्रोन उडवण्यास बंदी असेल.
यासंदर्भात अपर जिल्हादंडाधिकारी यांनी प्रतिबंधात्मक आदेश जारी केले आहेत . जळगाव जिल्ह्यात 16 मे ते 3 जून 2025 पर्यंत या कालावधीत ड्रोन, रिमोट कंट्रोल्ड मायक्रो-लाईट एअरक्राफ्ट, पॅराग्लायडर्स, पॅरा मोटर्स, हॅंड ग्लायडर्स, हॉट एअर बलून यांच्या वापरास बंदी आहे. याची नागरिकांनी कृपया नोंद घ्यावी, असे आवाहन प्रशासनाकडून करण्यात आले आहे.
प्रतिबंधात्मक उपाय म्हणून प्रशासनाचा निर्णय
दहशतवादी किंवा राष्ट्रविरोधी घटक हल्यासाठी ड्रोन, रिमोट कंट्रोल, मायको-लाईट, एअरक्राप्ट, पॅराग्लायडरचा वापर करुन व्हीव्हीआयपींना लक्ष्य करु शकतात. तसेच मोठ्या प्रमाणावर सार्वजनिक जीवन धोक्यात आणू शकतात, सार्वजनिक मालमत्तेची नासधूस करु शकतात आणि जळगाव जिल्ह्यातील कायदा व सुव्यवस्था बिघडवू शकतात. यामुळे प्रतिबंधात्मक सक्रीय उपाययोजना म्हणून अपर जिल्हा दंडाधिकाऱ्यांनी हा महत्त्वाचा निर्णय घेतला आहे.
