---Advertisement---
मुंबई : मे महिना सुरू होण्यापूर्वीच बँक व्यवहारांचे नियोजन करणे नागरिकांसाठी महत्त्वाचे ठरणार आहे. कारण मे २०२६ मध्ये देशभरातील बँका तब्बल १३ दिवस बंद राहणार असल्याची माहिती समोर आली आहे. सुट्ट्यांमध्ये आठवड्याच्या नियमित सुट्ट्यांसह विविध सण, उत्सव आणि जयंतींचा समावेश आहे.
भारतीय रिझर्व्ह बँकेच्या (RBI) कॅलेंडरनुसार, मे महिन्यातील या सुट्ट्यांचा परिणाम बँक व्यवहारांवर होऊ शकतो. त्यामुळे आर्थिक व्यवहार, चेक क्लिअरन्स, कर्ज प्रक्रिया यांसारखी महत्त्वाची कामे वेळेत पूर्ण करण्याचे आवाहन करण्यात आले आहे.
कधी असतील बँका बंद?
मे महिन्यात १, ३, ९, १०, १६, १७, २३, २४, २६, २७, २८ आणि ३१ मे रोजी बँका बंद राहतील. यामध्ये रविवारी (३, १०, १७, २४, ३१) तसेच दुसरा व चौथा शनिवार (९ आणि २३ मे) यांचा समावेश आहे.
याशिवाय, काही सुट्ट्या या राज्यनिहाय असणार आहेत. उदाहरणार्थ, १ मे रोजी बहुतांश राज्यांत सुट्टी असेल, तर ९ मे रोजी पश्चिम बंगाल, १६ मे रोजी सिक्कीम, २६ मे रोजी त्रिपुरा येथे बँका बंद राहतील. २७ आणि २८ मे रोजीही काही राज्यांमध्ये प्रादेशिक सुट्ट्या लागू असतील.
दरम्यान, बँका बंद असल्या तरी नेट बँकिंग, मोबाईल बँकिंग आणि एटीएम सेवा सुरू राहणार आहेत. त्यामुळे ग्राहकांना डिजिटल व्यवहारांमध्ये अडचण येणार नाही.
तथापि, शाखेत जाऊन करावयाच्या कामांसाठी नागरिकांनी सुट्ट्यांचे वेळापत्रक लक्षात घेऊनच नियोजन करावे, असे आवाहन करण्यात आले आहे.
