---Advertisement---
जळगाव : शहरातील गोपाळपुरा परिसरातील लाकडी सामान बनविणाच्या दुकानाला आग लागल्याची घटना शुक्रवार, दि. १८ रोजी मध्यरात्री १ वाजेच्या सुमारास घडली. या घटनेत २ लाख रूपयांचे नुकसान झाल्याचा अंदाज वर्तविण्यात आला आहे. याप्रकरणी शनीपेठ पोलीस ठाण्यात अकस्मात आगीची नोंद करण्यात आली आहे.
शेख परवेज शेख सलीम (वय-२९, रा. जळगाव) हे लाकडापासून लाटणे व पोळपाट बनविण्याचे काम करून आपला उदरनिर्वाह करतात. त्याच्या घराजवळच त्यांचे लाकडी सामान बनविणाचे एसएस ट्रेंडींग नावाचे दुकान आहे. शुक्रवार, दि.१८ रोजी मध्यरात्री १ वाजेच्या सुमारास त्याच्या दुकानाला आग लागली. या आगीत दुकानातील मशीनरी, तयार लाकडी वस्तू व इतर साहित्य जळून सुमारे २ लाख रूपये किंमतीचे साहित्य जळून खाक झाले आहे. आग लागण्याचे कारण अद्याप समोर आलेले नाही. याबाबत शनीपेठ पोलिसात अकस्मात आगीची नोंद करण्यात आली आहे.
