जळगाव : गांजाची तस्करी करणाऱ्या एकाला एमआयडीसी पोलिसांनी मेहरुण तलाव परिसरातून अटक केली. मुकेश अभंगे (४२, रा. कंजरवाडा, जळगाव) असे संशयिताचे नाव असून, त्याच्याकडून साडेपाच किलो गांजा जप्त करण्यात आला आहे. या प्रकरणी एमआयडीसी पोलिसात गुन्हा दाखल करण्यात आला आहे.
शहरातील मेहरुण तलाव परिसरातील जे.के. पार्क भागातील उद्यानात एक व्यक्ती गांजाची तस्करी करत असल्याची गुप्त माहिती पोलिसांनी मिळाली. त्यानुसार पोलिसांनी उद्यानात पाहणी केली असता, एक संशयित व्यक्ती मोटारसायकल जवळ उभा असल्याचे दिसले.
पोलिसांनी संशयित मुकेश अभंगे याला ताब्यात घेतले असता त्याच्याकडून एका पिशवीत साडेपाच किलो गांजा आढळून आला. पोलिसांनी त्याच्याकडून साडेपाच किलो गांजा जप्त केला असून, या प्रकरणी एमआयडीसी पोलिसात गुन्हा दाखल करण्यात आला आहे.
दरम्यान, पोलिसांनी घटनास्थळी फॉरेन्सिक विभागाला बोलावून नमूने तपासले. तसेच जप्त केलेल्या गांजाची किंमत अंदाजे ४० ते ५० हजार रुपये असल्याचे सांगितले.
