जळगाव : शहरात किरकोळ कारणांनी हाणामारीच्या प्रकारांमध्ये वाढ झाली आहे. अशाच प्रकारे नवीन बस स्थानकाशेजारील नेहमीच गजबजलेले ठिकाण असलेल्या भजे गल्ली येथे कटलरी सामान विक्री करणाऱ्या विक्रेत्याला काही कारण नसताना एकाकडून शिवीगाळ करण्यात आली. त्याने छत्रीच्या काठीने कटलरी विक्रेत्याला बेदम मारहाण केली, या हाणामारीत विक्रत्याच्या हाताला आणि पाठीला दुखापत झाल्याची घटना बुधवारी (२१ मे ) घडली आहे. याबाबत जिल्हापेठ पोलीस स्टेशनला गुन्हा दाखल करण्यात आला आहे.
कटलरी सामानाची विक्री करून मधुकर चिंतामणी वाणी (वय-५५, रा. ईश्वर कॉलनी जळगाव) हे आपला उदरनिर्वाह करतात. बुधवार, २१ मे रोजी सकाळी ११ वाजेच्या सुमारास मधुकर वाणी हे भजे गल्ली परिसरामध्ये लोटगाडीवर कटलरी सामान विक्री करत होते.
यावेळी काही कारण नसताना संशयित आरोपी हर्षल विजय चौरसिया (रा. नाथवाडा, जळगाव) याने शिवीगाळ करत दमदाटी केली. तसेच दुकानाची छत्रीच्या काठीने त्यांच्या हाताला आणि पाठीवर मारून दुखापत केली. या संदर्भात मधुकर वाणी यांनी जिल्हापेठ पोलिसात तक्रार दिली आहे. त्यानुसार संशयित आरोपी हर्षल विजय चौरसिया यांच्या विरोधात जिल्हा पेठ पोलीस स्टेशनला गुन्हा दाखल करण्यात आला. पुढील तपास पोलीस कॉन्स्टेबल महेंद्र पाटील करत आहे.
