---Advertisement---
जळगाव : शहरातील आयोध्यानगरात दोन सख्ख्या भावांना लाकडी दांडक्याने बेदम मारहाण करीत जीवे ठार मारण्याची धमकी देण्यात आली. सोमवारी (११ ऑगस्ट) रोजी चौघांनी सायंकाळी साडेपाच वाजण्याच्या सुमारास घडली असून याप्रकरणी मंगळवारी (१२ ऑगस्ट) रोजी एमआयडीसी पोलीस स्टेशन मध्ये चौघांविरुद्ध गुन्हा दाखल करण्यात आला आहे.
सोमवारी (११ ऑगस्ट) रोजी सायंकाळी ५:३० वाजता अयोध्या नगरातील राका चौकात ज्ञानेश रत्नाकर मोरे (वय ३८, रा. अयोध्या नगर, जळगाव) हा तरूण उभा होता. त्यावेळी सनी कोल्हे, गणेश हिरे, हितेश जोनवाल आणि दीपक महाजन (सर्व रा. अयोध्या नगर, जळगाव) यांनी जुन्या भांडणाच्या कारणावरून ज्ञानेशला शिवीगाळ करण्यास सुरुवात केली आणि त्याला मारहाण केली.
ज्ञानेशला मारहाण होत असल्याचे पाहून त्याचा भाऊ हितेश मोरे भांडण सोडवण्यासाठी तिथे आला. मात्र, त्यालाही लाकडी दांडक्याने बेदम मारहाण करण्यात आली, ज्यामुळे तो जखमी झाला. ही घटना घडल्यानंतर हितेश मोरे याने एमआयडीसी पोलीस स्टेशनला धाव घेत तक्रार दाखल केली.
त्यांच्या तक्रारीवरून, सनी कोल्हे, गणेश हिरे, हितेश जोनवाल आणि दीपक महाजन या चारही आरोपींविरोधात गुन्हा दाखल करण्यात आला आहे. या घटनेमुळे अयोध्या नगरात तणावाचे वातावरण निर्माण झाले आहे. या प्रकरणाचा पुढील तपास पोलीस उपनिरीक्षक अशोक काळे करत आहेत.
