---Advertisement---
जळगाव: भारतीय जनता पार्टी जळगाव पश्चिम जिल्हा किसान मोर्चाची महत्त्वाची जिल्हा कार्यकारिणी बैठक आज दि. ११ मे २०२६ रोजी जिल्हा कार्यालयात मोठ्या उत्साहात पार पडली. या बैठकीला खासदार श्रीमती स्मिताताई वाघ आणि जिल्हाध्यक्ष डॉ. राधेश्याम चौधरी यांची प्रमुख उपस्थिती होती.
शेतकऱ्यांच्या अडीअडचणी सोडवण्यासाठी कटिबद्ध राहा: डॉ. राधेश्याम चौधरी
बैठकीत मार्गदर्शन करताना जिल्हाध्यक्ष डॉ. राधेश्याम चौधरी यांनी कार्यकर्त्यांना ग्रासरूट स्तरावर काम करण्याचे आवाहन केले. ते म्हणाले की,
शेतकऱ्यांच्या लहान-लहान अडचणी समजून घेऊन त्या मंडल स्तरावर सोडवल्या पाहिजेत.
गरज भासल्यास जिल्हास्तरावर किंवा आमदार-खासदारांच्या माध्यमातून प्रश्न मार्गी लावावेत.
सरकारच्या विविध योजना प्रत्येक शेतकऱ्यापर्यंत पोहोचवून त्यांना आत्मनिर्भर करणे हे आपले मुख्य उद्दिष्ट असावे.
जगातील सर्वात मोठ्या राजकीय पक्षाचे पदाधिकारी म्हणून पक्षाची रचना समजून घेऊन काम केल्यास संघटन अधिक मजबूत होईल.
खासदार श्रीमती स्मिताताई वाघ यांनी देखील यावेळी आपले मनोगत व्यक्त करत कार्यकर्त्यांना मार्गदर्शन केले.
या बैठकीला किसान मोर्चाचे जिल्हाध्यक्ष श्रीनिवास मोरे, जिल्हा उपाध्यक्ष जिजाबराव पाटील, बापूराव महाजन, रत्नाकर पाटील, जिल्हा सरचिटणीस संजय चौधरी, सोमनाथ पाटील यांच्यासह मोठ्या संख्येने पदाधिकारी व कार्यकर्ते उपस्थित होते.
