मोठी बातमी; शरद पवारांची प्रकृती पुन्हा खालावली, पुन्हा उपचारासाठी रुबी हॉस्पिटलमध्ये दाखल…!

राज्यातील ज्येष्ठ नेते शरद पवार यांची प्रकृती पुन्हा एकदा बिघडल्याची माहिती समोर आली आहे. काही दिवसांपूर्वी उपचारानंतर त्यांना रुग्णालयातून घरी सोडण्यात आले होते. मात्र, आता पुन्हा अशक्तपणाची तक्रार जाणवू लागल्याने त्यांना उपचारासाठी रुग्णालयात दाखल करण्याचा निर्णय घेण्यात आला आहे.
प्राथमिक माहितीनुसार, शरीरातील पाण्याची पातळी कमी झाल्यामुळे त्यांना अशक्तपणा जाणवत आहे. त्यामुळे डॉक्टरांच्या सल्ल्यानुसार सलाईन देण्यात येणार असून, प्रकृती स्थिर असल्याचे सांगितले जात आहे. घाबरण्यासारखे काही नसल्याची माहिती जवळच्या सूत्रांकडून देण्यात आली आहे.

यापूर्वीही अचानक तब्येत बिघडल्याने त्यांना बारामती येथून पुणे येथे हलवण्यात आले होते. त्यावेळी छातीत कोंडलेपणा, खोकला आणि कफाचा त्रास जाणवत असल्यामुळे डॉक्टरांच्या पथकाने तपासणी करून तातडीने उपचार सुरू केले होते. त्यानंतर त्यांना पुण्यातील Ruby Hall Clinic येथे दाखल करण्यात आले होते.

पाच दिवसांच्या उपचारानंतर प्रकृतीत सुधारणा झाल्याने त्यांना घरी सोडण्यात आले. त्यानंतर ते पुण्यातील निवासस्थानी विश्रांती घेत होते. मात्र, अलीकडे पुन्हा अशक्तपणा जाणवू लागल्याने खबरदारीचा उपाय म्हणून त्यांना रुग्णालयात दाखल करण्याचा निर्णय घेण्यात आला आहे.

दरम्यान, राज्याचे उपमुख्यमंत्री Ajit Pawar यांच्या निधनानंतर पवार कुटुंबीयांना धीर देण्यासाठी ते काही दिवस बारामतीमध्ये होते. सततच्या धावपळीमुळे आणि मानसिक तणावामुळेही त्यांच्या प्रकृतीवर परिणाम झाल्याची चर्चा आहे.

सध्या डॉक्टरांच्या देखरेखीखाली उपचार करण्यात येणार असून, त्यांची प्रकृती स्थिर असल्याचे सांगितले जात आहे. कार्यकर्ते आणि समर्थकांकडून त्यांच्या लवकर बरे होण्यासाठी शुभेच्छा दिल्या जात आहेत.