गॅस सिलेंडरच्या नव्या नियमांमुळे देशभरात खळबळ! ‘या’ ग्राहकांचे कनेक्शन होणार बंद; अनुदानही थेट थांबणार?

LPG Gas New Rules: एलपीजी गॅस सिलेंडर संदर्भात तेल कंपन्यांनी लागू केलेल्या नव्या नियमांमुळे देशभरात मोठी चर्चा सुरू झाली आहे. वाढत्या आंतरराष्ट्रीय तणावामुळे आणि कच्च्या तेलाच्या दरवाढीमुळे सरकार तसेच तेल विपणन कंपन्यांनी (OMCs) अनुदान वितरणात मोठे बदल करण्याचा निर्णय घेतल्याची माहिती समोर येत आहे.
नवीन नियमांनुसार, ज्या ग्राहकांचे वार्षिक करपात्र उत्पन्न १० लाख रुपये किंवा त्यापेक्षा जास्त आहे, त्यांना उच्च उत्पन्न गटात (HIG) समाविष्ट केले जाणार आहे. अशा ग्राहकांना मिळणारे एलपीजी अनुदान पूर्णपणे बंद करण्यात येणार असून, त्यांना बाजारभावानेच गॅस सिलेंडर खरेदी करावा लागणार आहे.
तसेच, ग्राहकांचे उत्पन्न तपासण्यासाठी तेल कंपन्या थेट आयकर विभागाच्या (CBDT) डेटाचा वापर करणार असल्याची माहिती समोर आली आहे. चुकीची माहिती देणाऱ्या किंवा बनावट कागदपत्रांच्या आधारे घेतलेले गॅस कनेक्शनही रद्द केले जाण्याची शक्यता व्यक्त केली जात आहे.

याशिवाय, मृत व्यक्तींच्या नावावरील किंवा दीर्घकाळ वापरात नसलेल्या गॅस कनेक्शनवरही कारवाई करण्यात येणार आहे. अशा कनेक्शनचे हस्तांतरण किंवा पूर्णपणे बंद करण्याचे आदेश कंपन्यांकडून दिले जाऊ शकतात.
दरम्यान, जागतिक स्तरावर इंधन पुरवठ्यावर निर्माण झालेल्या तणावाचा परिणाम भारतावरही दिसून येत आहे. त्यामुळे सरकारने अनुदानाचा लाभ केवळ पात्र आणि गरजू ग्राहकांनाच मिळावा, यासाठी कठोर पावले उचलण्यास सुरुवात केली आहे.