सलग तीन दिवसाच्या घसरणीनंतर आज सोन्या चांदीच्या भावात वाढ; गुंतवणूकदार आणि ग्राहकांची चिंता वाढली….!

सलग तीन दिवस घसरण झाल्यानंतर जळगावच्या सराफा बाजारात आज पुन्हा तेजीचे वातावरण दिसून आले. सोने आणि चांदीच्या दरात मोठी वाढ नोंदवण्यात आली असून गुंतवणूकदार आणि ग्राहकांचे पुन्हा लक्ष हे सोने-चांदीकडे वळले आहे.

आज सोन्याच्या दरात सुमारे 3 ते 4 हजार रुपयांची वाढ झाली असून सोन्याचा भाव 1 लाख 55 हजार रुपयांवर पोहोचला आहे. कालपर्यंत सोन्याचे दर 1 लाख 51 हजार रुपयांवर होते. त्याचप्रमाणे चांदीच्या दरातही मोठी उसळी पाहायला मिळाली. चांदी तब्बल 5 हजार रुपयांनी महागली असून तिचा दर 2 लाख 66 हजार रुपयांवर गेला आहे. काल चांदीचा भाव 2 लाख 61 हजार रुपयांवर होता.

गेल्या काही दिवसांपासून बाजारात सुरू असलेल्या घसरणीनंतर आजच्या वाढीमुळे सराफा बाजारात पुन्हा उत्साहाचे वातावरण निर्माण झाले आहे. आंतरराष्ट्रीय बाजारातील हालचाली, डॉलरच्या मूल्यातील चढ-उतार आणि वाढती गुंतवणूक मागणी याचा थेट परिणाम सोने-चांदीच्या दरांवर होत असल्याचे सराफा व्यावसायिकांचे म्हणणे आहे.

सलग तीन दिवस घसरणीनंतर सराफा बाजारात आज पुन्हा तेजी परतली आहे. सोने आणि चांदीच्या दरात मोठी वाढ झाली असून सोनं 1 लाख 55 हजार रुपयांवर पोहोचलं आहे. तर चांदीच्या दरातही 5 हजार रुपयांची वाढ नोंदवली गेली असून चांदी 2 लाख 66 हजार रुपयांवर पोहोचली आहे. आंतरराष्ट्रीय बाजारातील बदल, डॉलरमधील चढ-उतार आणि वाढती गुंतवणूक मागणी यामुळे मौल्यवान धातूंच्या दरात ही वाढ झाल्याचे सराफा व्यावसायिकांनी सांगितले.