जळगावात परिचारिकांनी संपातून घेतली माघार, कर्तव्याला दिले प्राधान्य

जळगाव : राज्यभरातील परिचारिकांनी गुरूवारी (१७ जुलै) रोजी विविध मागण्यांसाठी एकदिवसीय संप पुकारला होता. त्यात नर्सिंग भत्ता मिळावा, वेतन त्रुटी दूर व्हाव्यात आदी मागण्या या परिचारिकांकडून करण्यात आल्या होत्या. मात्र जळगाव जिल्हा परिषदे अंतर्गत कार्यरत ३५० परिचारिकांनी संपात सहभाग घेतलेला नाही. त्यामुळे या परिचारीकांनी संपातून माघार घेतल्याचे दिसून आले.

जिल्हाभरात ग्रामीण भागात प्राथमिक आरोग्य केंद्र व उपकेंद्रांमध्ये कार्यरत परिचारिकांनी संपात सहभाग न घेता घोषणा झाल्यानंतही जिल्हाभरात सेवा दिली आहे. या परिचारीकांनी संपात सहभाग न घेतल्याने आरोग्य सेवेवर कोणताही विपरीत परिणाम झाला नाही. या परिचारिकांची दिवसभर अवितरत सेवा सुरू होती. शासनाकडून याबाबत सकारात्मक निर्णय न घेण्यात आल्याने परिचारीकांनी पुकारला होता.

परंतु, जिल्हा परिषद अंतर्गत कार्यरत परिचारिकांनी संपाकडे पाठ फिरवून रुग्ण सेवेला प्राधान्य दिले. मागण्या मान्य न झाल्यास १८ जुलैपासून काम बंदचा इशारा परिचारिकांनी दिला आहे. मात्र जिल्ह्यातील परिचारिका यात सहभागी झालेल्या नाहीत. परिणामी जिल्ह्यातील आरोग्य सेवेवर विशेषतः ग्रामीण भागात परिणाम दिसून आलेला नाही.

जिल्हा आरोग्य अधिकारी डॉ. सचिन भायेकर यांनी याबाबत सांगितले की, जिल्ह्यात २२२ नियमित तर ९६ कंत्राटी परिचारिका कार्यरत आहे. गुरुवारी जिल्हा परिषदे अंतर्गत कार्यरत परिचारीकांनी संपात सहभाग नोंदविलेला नाही. सर्व आरोग्य केंद्रातील परिचारीकांनी सेवा दिली.