---Advertisement---
जागतिक बाजारपेठेतील वाढती अनिश्चितता, भू-राजकीय तणावाचा परिणाम थेट भारताच्या सराफ बाजारांवर झाल्याचा पाहायला मिळत असून सध्या स्थिती सुरक्षित गुंतवणूक म्हणून देशभरातील नागरिकांचा सोन्या-चांदीकडे मोठ्या प्रमाणात कल वाढला आहे. मात्र वाढती मागणी आणि जागतिक बाजारपेठेतील परिमाणामुळे सोन्या चांदीच्या भावाने ऐतिहासिक उच्चांक गाठला असून सोने चांदी खरेदी करणाऱ्यांची चिंता वाढली आहे.
आज बाजाराची सुरुवात होतात सोन्या व चांदीच्या भावाला प्रचंड मोठ्या प्रमाणात वाढ झाली असून सोन्याच्या भावात प्रति डोळ्या मागे 5 हजार रुपयांची वाढ झाली आहे. या वाढीमुळे सोन्याच्या भावाने दीड लाखांचा टप्पा हा ओलांडला आहे यासह चांदीच्या भावात दरवाढ कायम असून आज चांदीच्या भावात देखील 5 हजारांची वाढ झाली आहे.
काय आहे आजचा सोन्याचा दर….
आज २४ कॅरेट सोन्याचे दर प्रति तोळ्यामागे ५ हजार २० रुपयांनी वाढले आहेत. आज १ तोळा सोने १,५४,८०० रुपयांना विकले जात आहे. ८ ग्रॅममागे सोनं ४,०१६ रुपयांनी वाढले असून हे दर १,२३,८४० रुपये झाले आहेत. २२ कॅरेट सोन्याचे दर ४,६०० रुपयांनी वाढले आहेत. हे दर १,४१,९०० रुपये झाले आहेत. ८ ग्रॅम सोन्याचे दर ३,६८० रुपयांची वाढ झाली आहे. १८ कॅरेटच्या सोन्याच्या दरात प्रति तोळ्यामागे ३,७७० रुपयांची वाढ झाली आहेत. ८ ग्रॅम सोन्याचे दर ३०१६ रुपयांनी वाढ झाली असून ९२,८८८ रुपये झाले आहेत.
काय आहे आजचा चांदीचा दर….
सोन्यापाठोपाठ चांदी दरातही मोठी वाढ झाली. आज चांदी दरात प्रति किलो ५ हजार रुपयांची वाढ झाली. यामुळे एक किलो चांदीचा दर ३,२५,००० रुपयावर पोहोचला आहे.
जळगाव सुवर्णनगरी गेल्या दोन दिवसात चांदीच्या भावात २७ हजाराने वाढ….
जळगावच्या सराफ बाजारात चांदीच्या भावात काल मंगळवारी एकाच दिवसात तब्बल १७ हजारांची वाढ झाली. जळगाव सुवर्ण बाजाराच्या इतिहासात एकाच दिवसात चांदीच्या भावातील ही सर्वाधिक वाढ आहे.त्यामुळे चांदी ०३ लाख १८ हजार रुपयांवर पोहोचली आहे. सोमवारी १० हजार रुपयांची वाढ झाली होती. यामुळे मागच्या दोन दिवसात चांदी दरात तब्बल २७ हजार रुपयाची वाढ झाली.
