आठवड्याच्या सुरुवातीलाच सोनं-चांदीत मोठी उसळी; सोनं-चांदीचे भाव ‘इतक्या’ लाखांच्यावर, ग्राहक झाले हैराण…!

गेल्या काही दिवसांपासून सोनं-चांदीच्या दरात सतत चढ-उतार सुरू असतानाच आठवड्याच्या पहिल्याच दिवशी बाजाराने मोठा धक्का दिला आहे. मौल्यवान धातूंनी अचानक मोठी झेप घेतल्याने ग्राहकांचे बजेट पुन्हा कोलमडले आहे. लग्नसराई आणि गुंतवणुकीच्या हंगामात दर वाढल्यामुळे खरेदीदार सध्या संभ्रमात आहेत. “आता खरेदी करावी की थांबावं?” असा प्रश्न अनेकांच्या मनात आहे.

गुड रिटर्न्सच्या माहितीनुसार आज सोन्याच्या दरात लक्षणीय वाढ झाली आहे.

२४ कॅरेट सोनं (१० ग्रॅम)- ₹2,070 रुपयांनी वाढ
आजचे दर: 1,61,350 रुपये

२२ कॅरेट सोनं (१ तोळा)- ₹1,900 रुपयांनी वाढ
आजचे दर: 1,47,900 रुपये

१८ कॅरेट सोनं (१ तोळा)- 1,550 रुपयांनी वाढ
आजचे दर: 1,21,010 रुपये

दरातील या झपाट्याने वाढीमुळे गुंतवणूकदारांसाठी हा सकारात्मक संकेत मानला जात असला तरी सर्वसामान्य ग्राहकांसाठी मात्र ही मोठी आर्थिक झळ ठरत आहे.

सोन्यानंतर चांदीनेही मोठी उसळी घेतली आहे. चांदी प्रति किलोमागे तब्बल 25,000 रुपयांची वाढ:

१ किलो चांदी – ₹25,000 ने वाढ
नवीन दर: ₹3,00,000 प्रति किलो

चांदीच्या दरातील ही वाढ विशेषतः औद्योगिक वापर आणि गुंतवणूकदारांच्या वाढत्या मागणीमुळे असल्याचे जाणकारांचे मत आहे.

तज्ञांच्या मते, आंतरराष्ट्रीय बाजारातील हालचाली, डॉलरच्या तुलनेत रुपयातील चढ-उतार आणि जागतिक आर्थिक अनिश्चितता यामुळे सोनं-चांदीचे दर वाढत आहेत. सुरक्षित गुंतवणूक म्हणून सोन्याकडे कल वाढल्यानेही किंमतींवर दबाव येत आहे.

दीर्घकालीन गुंतवणूकदारांसाठी टप्प्याटप्प्याने खरेदी हा पर्याय योग्य ठरू शकतो. लग्नसराईसाठी खरेदी करणाऱ्यांनी दरातील चढ-उतार लक्षात घेऊन योग्य वेळ साधावी. बाजारातील पुढील हालचालींवर लक्ष ठेवणे अत्यावश्यक आहे. सोनं-चांदीच्या दरातील ही अचानक उसळी सर्वसामान्यांसाठी धक्कादायक ठरली आहे. बाजाराचा कल पुढील काही दिवसांत कसा राहील, याकडे सर्वांचे लक्ष लागले आहे. दर कमी होतील की आणखी विक्रमी झेप घेतील? याचे उत्तर येत्या दिवसांतच स्पष्ट होणार आहे.