---Advertisement---
भोंदू बाबा अशोक खरात प्रकरणात आता राजकीय वर्तुळात खळबळ उडवणारी मोठी घडामोड समोर आली आहे. या प्रकरणात रुपाली चाकणकर यांना विशेष तपास पथकाकडून (SIT) समन्स बजावण्यात आल्याची माहिती समोर आली आहे.
यापूर्वी या प्रकरणामुळे त्यांना महिला आयोगाच्या अध्यक्षपदाचा तसेच पक्षातील महिला प्रदेशाध्यक्ष पदाचा राजीनामा द्यावा लागला होता. आता समन्स जारी झाल्याने त्यांच्या अडचणी वाढण्याची शक्यता व्यक्त केली जात आहे.
या प्रकरणात पहिल्यांदाच एखाद्या राजकीय व्यक्तीची अधिकृत चौकशी होणार असल्याचे संकेत मिळत आहेत. त्यामुळे तपासाचा फोकस आता केवळ अशोक खरातपुरता मर्यादित न राहता इतर संबंधितांपर्यंत पोहोचणार का, याकडे लक्ष लागले आहे.
दरम्यान, सुषमा अंधारे आणि रुपाली पाटील ठोंबरे यांनी यापूर्वीच चाकणकर यांच्यावर गुन्हा दाखल करून त्यांना सहआरोपी करण्याची मागणी केली होती.
सूत्रांच्या माहितीनुसार, या प्रकरणाशी संबंधित शिवानीका संस्थेच्या सर्व आजी-माजी सदस्यांची चौकशी करण्यात येणार आहे. SIT सर्व संबंधितांना समन्स बजावून चौकशीसाठी हजर राहण्याचे निर्देश देणार आहे.
दरम्यान, महसूल मंत्री चंद्रशेखर बावनकुळे यांनी स्पष्ट केले की, समन्स बजावणे ही तपास प्रक्रियेचा एक भाग असून त्यामागे कोणताही वेगळा अर्थ काढू नये.
एकूणच, अशोक खरात प्रकरणात आता तपासाची व्याप्ती वाढत असल्याचे दिसत असून, पुढील काही दिवसांत आणखी मोठ्या घडामोडी घडण्याची शक्यता वर्तवली जात आहे.
